அஜித்-கௌதம் மேனன் இணைந்துள்ள திரைப்படத்தின் படப்பிடிப்பு, கௌதமின் வழக்கமான பாணியில் நடக்காமல் வேகமாக நடந்துவருகிறது. ஒருபுறம் ஷூட்டிங்கையும் நடத்திக்கொண்டு, மறுபுறம் படத்திற்கு தேவையான நடிகர்களையும் செலக்ட் செய்துகொண்டிருக்கும் கௌதம் மேனன், சமீபத்தில் தன் படக்குழுவில் நடிகர் விவேக்கையும் சேர்த்திருக்கிறார்.
விவேக் ஹீரோவாக நடித்திருக்கும் ’நான் தான் பாலா’ திரைப்படத்தை சமீபத்தில் கௌதம் மேனனுக்கு திரையிட்டு காட்டியிருக்கிறார் விவேக். படத்தை முழுவதுமாக பார்த்த கௌதம் மேனன் ‘உங்களை இதுவரையிலும் ஒரு காமெடியனாக தான் எனக்குத் தெரியும். ஆனால் படம் பார்க்கும்போது காமெடியன் என்பதை முழுவதுமாக மறந்துவிட்டேன்” என்று கூறி சிலாகித்திருக்கிறார். மேலும் கௌதம் அஜித்துடன் இணைந்திருக்கும் திரைப்படத்தில் உள்ள காமெடியுடன் கலந்த எமோஷனல் கேரக்டரில் நடிக்கவேண்டும் என்றும் விவேக்கிடம் கேட்டிருக்கிறாராம்.
கௌதம் மேனனும் விவேக்கும் மின்னலே திரைப்படத்திற்குப் பிறகு எந்த திரைப்படத்திலும் இணையவில்லை. அதேமாதிரி அஜித்துடன் விவேக் கிரீடம் படத்தில் இணைந்து நடித்திருந்தார். கௌதம் மேனன் - அஜித் - ஹாரிஸ் ஜெயராஜ் - விவேக் என இந்த கூட்டணி பட்டையை கிளப்புவதாக பேசிக்கொள்கின்றனர் திரையுலகினர்.
http://nakkheeran.in/
0 comments:
Post a Comment
Thank You For Your Comment